CABALLARIA

CABALLARIA

apud Marcam Hist. Benebarn. l. 6. c. 24. §. 10. praedium est servitio Militari obnoxium: Cavareria Vasconibus, Cavalbairiou Carcaslonensibus; aliis Chevaliere: Latinis citerioris aevi Militia; Κλῆρος Ι῾ππικὸς in Veter. Inscr, apud Seldenum ad Marm. Arundel. et de Titulis Honorar. Assignari illa emeritis militibus consuevisle, tradit Sabellicus Histor. Ven.> l. 5. dec. 1. p. 248. ubi de Creta insul. Praedia quaedam in Insula esse constat, quae equestris Militiae nomine emeritis traduntur: insulani Caballarias vocant. Apud Aragones, cum Ricis hominibus ius antiquum esset, in omnibus civitatibus atque oppidis, maxima vectigalia Militibus alendis assignari, stipendariae hae portiones Honores et Cavalleriae dictae leguntur passim, in Usaticis inprimis Barcinon, MSS. apud Car. du Fresne Glossar. Erantque harum 4. species: Nempe Cavalertae de Honor, quomodo appellabant stipendia illa, quibus Rici homines Milites suos vel Militum filios, Infanciones vocatos, afficiebant, vel in pecunia, vel in fructibus vel in vacuis poslessionibus: Cavalleriae de Mefnada dignitate inferiores, quâ voce denotabant singulas eas stipendiarias portiones, quas Reges, de Regalis patrimonii subsidiis, domesticis suis ac palatinis hominibus impertiebant; Cavallertae taudem acostumbradas dar como de Honor et como de Mesnada, ita dictae, quod interdum quae unius generis erant, ad alterum traducerentur: v. g. cum Cavalleria de Honor fiebat Cavalleria de Mesnada, vel e diverso, i. e. mutabilis aut immutabilis: Nam Cavalleriae de Honor (sic dictae, quod vectigalia Ricorum hominum Honores vocarentur) perpetuae erant, aliae ad libitum a Rege, a quo nude pendebant, conferebantur. Vide Glossographum praefatum et Auctores ei laudatos. Sed et Caballarii, Graecis citerioribus dicti sunt Milites, seu Equestri dignitate donati, apud Annam Commenam in Alexiade, Pachymerem l. 1. c. 30. 31. et l. 4. c. 31. Cantacuzenum l. 1. c. 42. et l. 3. c. 27. Germanis Ritter, Gallis Chevaliers, Graece Καβαλλάριοι.